29

ڈپریشن کی وجہ سے جینا نہیں چاہتی تھی لیکن ماں باپ نے جینا سکھایا، دپیکا پڈوکون – ایکسپریس اردو

بالی وڈاداکارہ سپر اسٹار دپیکا پڈوکون کا کہنا ہے کہ ڈپریشن کے باعث جینا نہیں چاہتی تھی لیکن ماں باپ نے جینا سکھایا۔

ممبئی میں منعقدہ ایک تقریب میں ماضی سے متعلق گفتگو کرتے ہوئے بالی وڈ اداکارہ کا کہنا تھا کہ ماں باپ کی بدولت آج انہیں یہ مقام ملا، دپیکا کا کہنا تھا کہ ان پر ایک وقت ایسا بھی گزرا کے وہ جینا نہیں چاہتی تھیں لیکن ان کی والدہ نے انہیں جینے کی امید دلائی۔

بالی وڈ سپر اسٹار کا کہنا تھا کہ وہ اپنے کامیابیوں سے مطمئن تھیں لیکن ان سب کے باوجود ڈپریشن کا شکار رہیں۔

دپیکا نے بتایا کہ  ڈپریشن نے انہیں بلکل  تنہائی کا شکار کردیا لیکن ماں باپ نے کبھی تنہا نہیں چھوڑا، مایوسی کے سبب ہمیشہ چاہتی تھی ذیادہ سے ذیادہ سوکر اپنا وقت گزاروں اور نیند سے کبھی نہ اٹھوں کیو ںکہ میں اسی کو نجات کاذریعہ سمجھتی تھی۔

دپیکا کا کہنا تھا کہ میری والدہ اجوالا پڈوکون نے ڈپریشن کے باعث  میرے اندر آنے والی تبدیلی کو محسوس کیا اور مجھے مشکلات سے لڑنا سکھایا۔

دپیکا پڈوکون لائیو لو لاف (Live Love Lough) نامی انجیو کی بانی رکن ہیں جس کا مقصد معاشرہ میں موجود ذہنی مسائل کا شکار افراد کی مدد کرنا ہے۔




اس خبر پر اپنی رائے کا اظہار کریں

اپنا تبصرہ بھیجیں