23

سونم کپور نے بیٹے کی پہلی جھلک مداحوں کے ساتھ شیئر کر دی – ایکسپریس اردو

سونم کپور کے ہاں20 اگست کو بیٹے کی پیدائش ہوئی تھی(فائل فوٹو)

ممبئی: بالی ووڈ کی اسٹائل کوئین سونم کپور آہوجا نےاپنے بیٹے کی پہلی جھلک سوشل میڈیا پر شیئر کردی۔

سونم نے اپنے بیٹے کی پہلی تصویر انسٹاگرام پر شیئر کی ہے جس میں انہیں ان کے شوہر اور بیٹے کو کو پیلے رنگ کے لباس میں دیکھا جاسکتا ہے۔

اداکارہ نے اس پوسٹ کے کیپشن میں اپنے بیٹے کا نام وایو بتایا ہے جس کے مطلب کو بھی انہوں نے واضح کیا ہے۔

سونم کپور نے صاحبزادے وایو کے نام کا مطلب بتایا کہ وایو زندگی کا بھگوان ہے، جو زندگی اور عقل کی رہنمائی کرنے والا ہے۔

یاد رہے کہ سونم کپور اور آنند آہوجا 8 مئی 2018 میں رشتہ ازدواج میں منسلک ہوئے تھے اور ان کے ہاں پچھلے ماہ 20 اگست کو بیٹے کی پیدائش ہوئی تھی۔




اس خبر پر اپنی رائے کا اظہار کریں

اپنا تبصرہ بھیجیں