لاہور (ڈیلی پاکستان آن لائن )پاکستانی ٹیلی کمونیکیشن اتھارٹی نے ٹک ٹاک پر غیر اخلاقی مواد کی تشہیر کے پیش نظر اس پر پابندی عائد کر رکھی ہے اور اسلام آباد کی جانب سے معاملہ وفاقی کابینہ کو بھجوا دیا گیا تھا تاہم ابھی تک اس پر کوئی واضح فیصلہ سامنے نہیں آ سکا ہے ۔ٹک ٹاک کے ذریعے کئی نوجوان لڑکیوں اور لڑکیوں کو راتوں رات شہرت ملی اور انہیں ٹی وی پر بھی کام کرنے کے مواقعے ملنا شروع ہو گئے ۔
یہاں پر قابل ذکر امر یہ ہے کہ گزشتہ روز سے سوشل میڈیا پر ایک نجی ٹی وی چینل کے مارننگ شو کی ویڈیو تیزی سے وائرل ہو رہی ہے جس میں ریٹنگ کے چکر میں مبینہ بے حیائی کی تمام ترحدیں پار کر دی گئیں ہیں اور اس نے سوشل میڈیا صارفین کے غصے کو آسمانوں پر پہنچا دیاہے اور اس مارننگ شو پر پابندی لگانے کا مطالبہ سامنے آ رہاہے ۔
سوشل میڈیا پر وائرل ہونے والی ویڈیو اداکارہ جگن کاظم کے شو کی ہے جس میں دیکھا جا سکتا ہے کہ امریکہ سے تعلق رکھنے والے ’ عامر خان ‘ بھی اپنی اہلیہ کے ساتھ شریک ہیں ،ان کی ویڈیوز جب ٹک ٹاک پر وائرل ہوئیں تو انہیں ’ مفتی تقی لاہوری ‘ کا نام دیا گیا تاہم بعدازاں ان کا انٹرویو سامنے آیا جس میں انہوں نے بتایا کہ ان کا نام ’ عامر خان ‘ ہے اور یہ خاتون ان کی اہلیہ ہیں ۔انہوں نے یہ بھی بتایا کہ یہ خوبرو خاتون ان کی چوتھی بیوی ہیں ۔
مارننگ شو کے وائرل ہونے والے کلپ میں دیکھا جا سکتا ہے کہ ” سیب کو دھاگے کے ساتھ چھت سے لٹکایا گیا ہے اور ان میاں بیوی سمیت دو اور جوڑے بھی اس کھیل میں شریک ہیں ، لٹکتے ہوئے سیب کو لڑکی اور لڑکے دونوں اپنے مرد پارٹنر کے ساتھ ہاتھ پیچھے باندھے ہوئے کھانے کی کوشش کرتے ہیں ۔ “
اس سارے کھیل میں مبینہ بے حیائی کا عنصر صاف دکھائی دے رہاہے جس پر سوشل میڈیا صارفین آگ بگولہ ہو گئے ہیں اور انہوں نے سخت تنقید کرتے ہوئے سوشل میڈیا پر ” بائے کاٹ مارننگ ود جگن کاظم “ کا ہیش ٹیگ بھی چلایا ۔
مہر نوید نامی ٹویٹر صارف نے مارننگ شو کا کلپ شیئر کرتے ہوئے کہا کہ ” مارننگ شوکے نام پر بے حیائی عروج پر ہے ، ان کو لگام ڈالنے والا ادارہ خود سو رہاہے ۔“
مارننگ شو کے نام پر بے حیائی عروج پر ہے
ان کو لگام ڈالنے والا ادارہ خود سو رہا ہے#فحاشی_کی_جڑ_لبرل_ازم pic.twitter.com/Y5pwpn4Ey1
— Mahar Naveed (@MaharNaveedPAK) October 2, 2021
راحیل شاہ کا کہناتھا کہ ” یہ مارننگ شو والوں نے بے حیائی دکھانے ے میں انڈیا کو بھی پیچھے چھوڑ دیاہے ،صرف ریٹنگ کے لینے کے چکر میں ۔“
یہ مارننگ شو والے بےحیائی دکھانے میں انڈیا کو بھی پیچھے چھوڑ دیا ہے۔
صرف ریٹنگ لینے کے چکر میں ????
— ℛ????????ℯℯ???? ???????????????????? (@Raheelshah974) October 2, 2021
جمیل فاروقی نامی صارف کا کہناتھا کہ ” خواتین و حضرات ، یہ پاکستان کے ایک انٹرٹینمنٹ ٹی وی چینل کے مارننگ شو کا کلپ ہے ، دیکھیں ناں ، ہم اپنی اکیسویں صدی کی نوجوان نسل کی کتنی زبردست تربیت کر رہے ہیں اور وہ بھی مکمل آزادی کے ساتھ، ویسے پوچھا یہ تھا کہ اور کتنی آزادی چاہیے ۔“
ہیلو !ہیلو ! خواتین و حضرات ! یہ پاکستان کے ایک انٹرٹینمنٹ ٹی وی چینل کے مارننگ شو کا Clip ہے ???? دیکھیں ناں ! ہم اپنی اکیسیویں صدی کی نوجوان نسل کی کتنی زبردستی تربیت کر رہے ہیں اور وہ بھی مکمل ”آزادی“ کے ساتھ – ویسے پوچھنا یہ تھا کہ اور کتنی آزادی چاہیئے ؟ pic.twitter.com/Ro3PcXvKjf
— Jameel Farooqui (@FarooquiJameel) October 1, 2021
آفا ق خان کا کہناتھا کہ ” اگر میں تمہاری ماننگ شو کی ہوسٹ کو ایکسپوز کرنے پر آگیا تو پھر یہ لبرلز رونے لگیں گے ، میں کسی کی ذات پر بات نہیں کرنا چاہتا ، بس انٹرٹینمنٹ کے نام پر بے حائی کو روکا جائے ۔“
اگر میں تمھاری مارننگ شو کی ہوسٹ کو ایکسپوز کرنے پر آگیا تو پھر یہ لبرلز رونے لگیں گے، میں کسی کی ذات پر بات نہیں کرنا چاہتا، بس انٹرٹیمنٹ کے نام پر بے حیائ کو روکا جائے، #IStandWithMuhammadAfaq#BoycottMorningWithJuggunKazim
— Afaq Khan (@iammuhammadafaq) October 1, 2021
اسد نامی صارف نے اپنے خیالات کا اظہار کرتے ہوئے کہا کہ ” مارننگ شو کے کرتا دھرتا پر تاحیات پابندی لگا دینی چاہیے “۔
مارننگ شو کے کرتا دھرتا پر تاحیات پابندی لگا دینی چاہیے۔
— Asad Aslam ???????? (@masadaslam) October 2, 2021
