شان مسعود میں اپنی شاندار فارم کا کریڈٹ محمد رضوان کو دیدیا - ایکسپریس اردو 27

شان مسعود میں اپنی شاندار فارم کا کریڈٹ محمد رضوان کو دیدیا – ایکسپریس اردو

(فوٹو: پی ایس ایل) پی ایس ایل 2022 کے دوران رضوان نے میری بیٹنگ پر خاص توجہ دی، شان مسعود

(فوٹو: پی ایس ایل) پی ایس ایل 2022 کے دوران رضوان نے میری بیٹنگ پر خاص توجہ دی، شان مسعود

 لندن: قومی کرکٹ ٹیم کے اوپنر شان مسعود نے ٹی20 میں اپنی کارکردگی میں بہتری کا کریڈٹ وکٹ کیپر بلےباز محمد رضوان کو دیدیا۔

اسپورٹس ویب سائٹ کو دیئے گئے انٹرویو میں قومی ٹیم کے اوپنر شان مسعود نے کہا کہ پاکستان سپر لیگ (پی ایس ایل) کے دوران ملتان سلطانز کے لیے کھیلتے ہوئے وکٹ کیپر بلےباز محمد رضوان نے ٹی20 میں میری بیٹنگ پر خاص توجہ دی جس کے باعث مجھ میں نکھار آیا۔

انہوں نے کہا کہ رضوان نے مجھے کہا تھا کہ ٹی20 میں آپ کو گیئرز تبدیل کرنے کی ضرورت ہے کیونکہ ایک دن آپ 150 کے قریب کا تعاقب کر رہے ہیں اور آپ کو 55 گیندوں پر 70 رنز بنانے ہوں گے جبکہ کسی دن آپ 240 کے آس پاس کا تعاقب کریں گے تو ٹیم کو 55 گیندوں پر 100 رنز کا اسکور درکار ہوگا۔

مزید پڑھیں: شان مسعود قیادت کا حق ادا کرنے میں کامیاب ہوگئے، مکی آرتھر

پی ایس ایل 2022 میں محمد رضوان کی قیادت میں ملتان سلطانز کیلئے شاندار سیزن کھیلنے والے شان مسعود نے انگلینڈ کے ٹی20 بلاسٹ میں ڈربی شائر کیی کپتانی کرتے ہوئے محض 10 اننگز میں 45.75 کی اوسط سے 366 ​​رنز بنائے ہیں۔

اس خبر پر اپنی رائے کا اظہار کریں

اپنا تبصرہ بھیجیں